स्रोत नखुलेको भारतीय रुपैयाँ बोकेका दम्पतीसहित चार पक्राउ

मोरङ– विराटनगर महानगरपालिका–१५ रानी सीमाबाट स्रोत नखुलेको भारतीय रुपैयाँसहित चार जना पक्राउ परेका छन् । ३ लाख ८ हजार ५ सय भारतीय रुपैयाँसहित उनीहरु पक्राउ परेका हुन् ।

पक्राउ पर्नेमा दम्पतीसहित भारतीय नागरिक रहेको प्रहरीले जनाएको छ। प्रहरीकाअनुसार 

पक्राउ पर्नेहरुमा सुनसरी बर्जु गाउँपालिका–१ का ३८ वर्षीय सुरज ऋषिदेव, उनकै श्रीमती ३८ वर्षीया शिव कुमारी ऋषिदेव रहेका छन् । त्यस्तै भारत सहरसा मानगढ ग्राम पंचायतका २९ वर्षीय विसुनदेव मुखिया र सोही ठाउँ बस्ने २७ वर्षीय अविनाश मुखिया रहेको प्रहरीले जनाएको छ । 

सीमा प्रहरी चौकी रानीबाट खटिएको प्रहरीले जाँच गर्ने क्रममा उनीहरुको साथबाट उक्त स्रोत नखुलेको भारतीय रुपैँयासहित फेला पारी उनीहरुलाई पक्राउ गरेको हो। 
यसबारे प्रहरीले थप अनुसन्धान गरिरहेको जनाएको छ ।