आमाको सल्झनामा एम पी अर्यालले ल्याए ‘आमा मेरी आमा’

काठमाडौँ-  नेपाली सांगीतिक धरातलमा स्व. आमाको सम्झनामा नयाँ गीत ‘आमा मेरी आमा’ सार्वजनिक छ । एम पी अर्यालको स्वर रहेको गीतमा पुस्तक प्रसादको शब्द तथा संगीत छ । उदय राज पौडेलले यसको एरेन्ज गरेका छन ।

म्युजिक नेपाल कम्पनीको युटुब च्यानलमार्फत् यो बजारमा आएको छ । आमाको नाममा धेरै गीत गाइए पनि दिवङ्गत आमाको सम्झनामा गाइएको यो गीत कर्णप्रिय छ । आफ्नी आमा स्व मायादेवी अर्यालको सम्झनामा गायक एम पी अर्यालले यो गीत ल्याएका हुन् ।

उनको गायनमा यो पहिलो प्रयास हो । उनको आमा गीतमा विशेषगरी आमा गुमाएको पीडा गहिरो र मार्मिक रुपमा ब्यक्त गरिएको छ । दिवंगत आमाहरू प्रति समर्पित यो गीतले मानिसको जीवनमा आमाको महत्व र ममता कतिको महत्वपूर्ण छ भन्ने कुरा देखाइएको छ ।

आमा गुमाउनेहरुलाई यो गीतले निकै भावुक बनाउन सक्छ । प्रिन्स डेनियलले निर्देशन गरेको भिडियोमा महेन्द्र ढकाल, जयन्ती मोक्तान, इश्वरी बराल र बाल कलाकार कैराब भुषालको अभिनय देख्न सकिन्छ । संजय अधिकारीको छायांकन रहेको भिडियोलाई बिजय भुर्तेलले सम्पादन, कलरिंग, र मास्टरिंग गरेका हुन । भिडियो निकै मर्मस्पर्शी बनको छ ।