ग्रामी अवार्डमा जोनलाई ५ र ओलिभियालाई ३ अवार्ड

लसभेगास - आइतबार साँझ अमेरिकाको लस भेगासमा सम्पन्न ग्रामीको अवार्डको ६४ औँ संस्करणमा जोन बाटिस्टेले ५ वटा अवार्ड जितेका छन् । ११ वटा विधामा मनोनयनमा परेका जोनले उत्कृष्ट एल्बमसहित रेकर्ड अफ दि इयर आदि विधामा अवार्ड जिते ।

जोनपछि सर्वाधिक अवार्ड जित्नेमा सिल्क सोनिक अगाडि रह्यो । यो समूहले ४ वा ट्रफी आफ्नो भागमा पार्न सफल भयो । ओलिभिया रोड्रिगो र फो फाइटर्सले समान तीन विधामा अवार्ड जिते । 

कार्यक्रममा लिल नास एक्स, बीटीएस, सिल्क सोनिक, लेडी गागा, रोड्रिगो, जस्टिन बेबर, बिल्ली एलिस आदि गायक गायिकाले गीत प्रस्तुत गरेका थिए । 
अवार्ड समारोहमा जस्टिन बेबर खालि हात रहे । कार्यक्रममा जस्टिन ८ विधामा मनोनयनमा थिए । यसैगरी ७ विधामा मनोनयनमा परेकी बिल्ली एलिसले ३ विधामा अवार्ड जितेकी थिइन् ।