पर्सामा दुईवटा मोटरसाइकल ठोक्किँदा दुबै चालकको मृत्यु

पर्सा- पर्साको पोखरिया नगरपालिका–३ मा बिहीबार दुईवटा मोटरसाइकल ठोक्किदा दुबै चालकको मृत्यु भएको छ । दुर्घटनामा दुई जना घाइते भएका छन् । 

प्रहरीका अनुसार ना ३ प १०२६  र प्रदेश २ ०३ ००४ प ७४७६ नम्बरको मोटरसाइकल बिहीबार ठोक्किएका थिए । 

दुर्घटनामा परी मोटरसाइकल चालकहरु धोवीनी गाउँपालिका–२ गुलरियाका ३५ वर्षीय ललनप्रसाद कुर्मी र सखुवाप्रसौनी गाउँपालिका–५ बस्ने २९ वर्षीय हसिन्द्र सहनीको घटनास्थलमै मृत्यु भएको हो ।  

दुर्घटनामा घाइते भएका दुई जनाको विरगन्जस्थित न्युरो अस्पतालमा उपचार भइरहेको छ ।