ट्याक्टरबाट खसेर एक जनाको मृत्यु

मकवानपुर – मकवानपुरको हेटौंडामा ट्याक्टरबाट खसेर एक जनाको मृत्यु भएको छ ।

जिल्ला प्रहरी कार्यालय मकवानपुरका अनुसार हेटौंडा उपमहानगरपालिका ६ पुतलीसडकमा गुडिरहेको ट्याक्टरबाट खसेर हेटौंडा उपमहानगरपालिका ८ का २३ वर्षीय राजेश मोक्तानको मृत्यु भएको हो ।

गएराती साढे ९ बजे नागसोतीबाट कमानेतर्फ जाँदै गरेको ना ४ त ६९१० नम्बरको ट्रयाक्टरबाट मोक्तान खसेका थिए । गम्भीर घाइते उनको उपचारको क्रममा भरतपुरस्थित कलेज अफ मेडिकल साइन्समा निधन भएको थियो ।

ट्याक्टरसहित चालकलाई जिल्ला प्रहरी कार्यालय मकवानपुरले नियन्त्रणमा लिएकाे छ ।