पीएनजीले गुमायो तेस्रो विकेट

काठमाडौँ- नेपाल विरुद्धको टि–ट्वेन्टी अन्तर्राष्ट्रिय खेलमा १८४ रनको लक्ष्य पछ्याइरहेको पीएनजीले तेस्रो विकेट गुमाएको छ । नेपालका लागि अभिनास बोहराले तेस्रो विकेट लिएका हुन् । कार्लेस अमिनीलाई बोहराले बोल्ड आउट गरेका छन् । १० बलमा २२ रन बनाएका अमिनीलाई बोहराले खेलको छैटौं ओभरमा आउट गराएका हुन् । 

यसअघि सोमपाल कामीले लेगा सिएकालाई आरिफ शेखको हातबाट क्याच आउट गराएका छन् भने करन केसीले टोनी उरालाई ५ रनमा आउट गराइसकेका छन् । जारी सिरिजअन्तर्गतको पहिलो खेलमा नेपालले पीएनजीलाई १८४ रनको विशाल लक्ष्य दिएको छ । त्रिवि क्रिकेट मैदानमा टस हारेर ब्याटिङको निम्तो पाएको नेपालले निर्धारित २० ओभरमा ९ विकेट गुमाएर १८३ रन बनाएको हो ।