कुशलले तोडे भारतीय ब्याटर राहुलको कीर्तिमान

काठमाडौं– नेपाली राष्ट्रिय क्रिकेट टोलीका युवा ओपनर कुशल भुर्तेल टी–२० क्रिकेटमा भारतीय प्रमुख ब्याटर के एल राहुलको नाममा उक्त कीर्तिमान रहेको तोडेका छन् । त्रिवि क्रिकेट मैदानमा सोमबार पपुवा न्यू गिनी (पीएनजी) विरुद्धको खेलबाट भुर्तेलले कीर्तिमान बनाएका हुन

उनी सबैभन्दा छिटो ५०० रन पूरा गर्ने खेलाडी बने। किर्तिपुरमा जारी पीएनजीविरुद्धको खेलको पहिलो बलमै उनले बाउण्ड्री पार गराएका थिए ।
 

पिएनजीविरुद्ध २० रन बनाएर आउट हुनुअघि भुर्तेलले ५०० रन पूरा गरे । उनले ११ बल खेल्दै २० रनको योगदान दिए । उनले राहुलको कीर्तिमान १२ औं खेलमा तोडेका हुन् । भारतीय ब्याटर राहुलले १३ औं खेलमा ५०० रन पूरा गरेका थिए ।

त्रिकोणात्मक टी–ट्वान्टी सिरिजको सुरुआती खेलमा पपुवा न्युगिनीविरुद्ध नेपालले ब्याटिङ गरिरहेको छ। टियु क्रिकेट मैदानमा पीएनजीले टस जितेर नेपाललाई पहिले ब्याटिङको लागि निम्तो दिएको हो । 

सिरिजमा नेपाल, पीएनजी र मलेसियाको सहभागिता छ । नेपालले दुवै टोलीसँग दुई–दुई खेल खेल्नेछ ।