दुई हप्ताभित्र कांग्रेसको नेतृत्वमा सरकार : महामन्त्री कोइराला
चैत ६, २०७७ शुक्रबार २०:०६
फाइल तस्बिर
काठमाडौँ : नेपाली कांग्रेसका महामन्त्री डा. शशाङ्क कोइरालाले अबको दुई हप्ताभित्र कांग्रेसको नेतृत्वमा सरकार बन्ने दाबी गरेकाछन् । चितवनमा पत्रकारसँगको भेटमा शुक्रबार उनले सरकार परिवर्तनको विषयमा कांग्रेस, माओवादी केन्द्र र जनता समाजवादी पार्टीबीच छलफल भइरहेको बताए । 'माओवादी केन्द्र र मधेशवादी दलबीच भएको छलफल निष्कर्षमा पुग्छ र कांग्रेसको नेतृत्वमा सरकार बन्छ' उनले भने ।
कांग्रेस पर्ख र हेरको अवस्थामा रहेको उनको भनाइ थियो । माओवादी केन्द्र सरकारमा रहिरहेका कारण केही समय लागेको उनले बताए । 'अहिले माओवादी केन्द्र सरकामा छ,' उनले भने, 'उनीहरु फर्कन्छन् कि फर्कँदैनन् भन्ने हेर्नुपर्छ । तर हाम्रो प्रयत्न माओवादी केन्द्रलाई अहिलेको सरकारबाट बाहिर ल्याउने रहेको छ ।' प्रधानमन्त्री ओली नेतृत्वको सरकारले चालेको प्रतिगमनकारी कदमलाई सर्वोच्च अदालतले सच्याइदिएको भन्दै उनले संविधानको रक्षा गर्ने जिम्मेवारी कांग्रेसको काँधमा आएको बताए । रासस
आज कतिमा हुँदैछ विदेशी मुद्रा कारोबार ?
काठमाडौँ उपत्यकाका १३ पानीपोखरीको अत्याधुनिक प्रणालीमार्फत व्यवस्था
दुनाटपरी गाँसेर जीविकोपार्जनको उपाय खोज्दै महिला
बबरमहलमा फुटेको खानेपानीको पाइप मर्मत थालियो
तीस किलोको खुकुरी, मूल्य एक लाख ११ हजार
बिहानैदेखि त्रिवेणीधाममा श्रद्धालुको घुइँचो
लहान नगरपालिकाका मेयर चौधरीविरुद्ध आन्दोलन चर्कियो
प्रतिक्रिया