प्रधानमन्त्री देउवाले गरे खिम्ति सबस्टेशनको उद्घाटन

काठमाडौँ – प्रधानमन्त्री शेरबहादुर देउवाले खिम्ति सबस्टेशनको उद्घाटन गरेका छन् । शनिबार परियोजनास्थल पुगेर प्रधानमन्त्री देउवाले सबस्टेशनको उद्घाटन गरेका हुन् । 

परियोजना राष्ट्रिय गौरवको माथिल्लो तामाकोसी जलविद्युत् आयोजनाको अभिन्न अंगका रूपमा विकास गरिएको छ । 

२२० केभीको यो सबस्टेशन निर्माणका लागि भारतको केइसी इन्टरनेशनलसँग २.१२ अर्ब रुपैयाँमा सम्झौता भएको थियो । यो सबस्टेशन दोलखा र रामेछाप जिल्लाको पावर हब बन्नेछ ।