नेपालले पपुवा न्युगिनीलाई २ विकेटले हरायो

काठमाडौँ : आईसीसी क्रिकेट विश्वकप लिग डिभिजन टु अन्तर्गतको त्रिकोणात्मक एकदिवसीय सिरिजमा नेपाल विजयी भएको छ । बुधबार भएको खेलमा नेपालले पपुवा न्युगिनीलाई २ विकेटले हराएको हो ।

यूएईको सारजाहमा पपुवा न्युगिनीले दिएको दिएको २ सय ५ रनको लक्ष्य नेपालले ४९ ओभर २ बलमा ८ विकेट गुमाएर भेट्टायो । नेपालको जितमा रोहित पौडेल र आरिफ शेखले महत्वपूर्ण शतकीय साझेदारी गर्दै नेपालको जितको आधार बनाएका थिए । रोहितले ५८ रन बनाउँदा आरिफले ५३ रनको योगदान दिएका हुन् ।

यस अघि टस जितेर पहिले ब्याटिङ गरेको पपुवा न्युगिनीले ५० ओभरमा ८ विकेट गुमाएर २ सय ४ रन बनाएको थियो । अब नेपालले दोस्रो खेलमा घरेलु टोली युएईसँग शुक्रबार खेल्नेछ ।