थप ९४ जनामा कोभिड-१९ पुष्टि

काठमाडौँ  : नेपालमा थप ९४ जनामा कोभिड १९ को संक्रमण पुष्टि भएको छ । बुधबार ९४ जनामा संक्रमण पुष्टि भएसँगै नेपालमा कुल संक्रमितको संख्या २ लाख 
७५ हजार ५१८ पुगेको छ । 

हालसम्म २ लाख ७१ हजार ५५० जना संक्रमित निको भएका स्वास्थ्य मन्त्रालयले जनाएको छ । हालसम्म नेपालमा तीन हजार १४ जनाको कोभिडका कारण मृत्यु भएको छ । हाल नेपालमा ९५४ जना आइसोलेशनमा र ४९ जना क्वारेन्टाइनमा छन् भने २२ लाख २४ हजार २९३ वटा पीसीआर गरिएको मन्त्रालयले जनाएको छ ।