नेपाल निर्माण व्यवसायी महासंघको अध्यक्षमा पुनः रविराज सिंह विजयी

काठमाडौ - निर्माण व्यवसायीहरूको छाता संस्था नेपाल निर्माण व्यवसायी महासंघको अध्यक्षमा पुनः रविराज सिंह विजयी भएका छन् । महासंघको २३औं साधारण सभाबाट ८०७ मत प्राप्त गरी सिंह विजयी भएका हुन् । 

उनका निकटतम प्रतिद्वन्द्वी निकोलस पाण्डेले ३४२ र अर्का अध्यक्षका उम्मेदवार हुमनाथ कोइरालाले ३२ मत प्राप्त गरे । त्यस्तै महासंघको वरिष्ठ उपाध्यक्षमा एडी लामा ५६३ मतसहित विजयी भएका छन् ।

प्रतिस्पर्धी रहेका धिरेन्द्र कुमार दाहालले २८९ र लक्ष्मण रानाले २७३ मत प्राप्त गरे । यसैगरी प्रदेश उपाध्यक्षहरूमा प्रदेश १ मा मोहनप्रकाश अधिकारी, मधेश प्रदेशमा शम्भु ठाकुर, बागमती प्रदेशमा बालकृष्ण थापा, गण्डकी प्रदेशमा खिमप्रकाश मल्ल, लुम्बिनी प्रदेशमा टोपबहादुर रायमाझी, कर्णाली प्रदेशमा रत्नबहादुर खड्का र सुदुरपश्चिम प्रदेशमा प्रकाश बहादुर सेठी विजयी भएका छन् ।

त्यस्तै महासचिवमा रोशन दाहाल ७१९ मतसहित विजयी भएका छन् । उपमहासचिव (नीतिगत) मा शिवहरि घिमिरे विजयी भएका छन् भने उपमहासचिव (आन्तरिक) मा नरहरि थपलिया विजयी भए । यस्तै, कोषाध्यक्षमा हिरणकुमार श्रेष्ठ र सहकोषाध्यक्ष सन्तोष शाह विजयी भएका छन् ।