वीरगञ्‍जमा इँटाभट्टाको आगोले पोलेर दुई जना घाइते

वीरगञ्ज : वीरगञ्जमा इँटाभट्टाको आगोले पोलेर दुई जना घाइते भएका छन् । वीरगञ्ज महानगरपालिका–३१ बेल्वाको कबी इँटा उद्योगको भट्टामा मंगलबार साँझ खसेर उद्योगका सञ्चालक ५० वर्षका कलाम मियाँ र भारतीय कामदार कमलेश कुमार घाइते भएका हुन् । 

सञ्चालक मियाँको अवस्था गम्भीर रहेको र उनको वीरगन्जस्थित नारायणी बयोधा अस्पतालमा प्रारम्भिक उपचारपछि थप उपचारका लागि हेलिकप्टरमार्फत काठमाडौं पठाइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओमप्रकाश खनालले जानकारी दिए । उनकाअनुसार घाइते कमलेशले आफू भट्टीमा खस्न लागेको देखेपछि उद्योग सञ्चालक मियाँ जोगाउन गएका बेला चिप्लेर भट्टीमा खसेका थिए । कमलेशको भने वीरगञ्जको बयोधा अस्पतालमै उपचारर भइरहेको छ ।