संखुवासभामा बस दुर्घटना : १४ जनाको मृत्यु

काठमाडौँ - संखुवासभामा यात्रुबाहक बस दुर्घटना हुँदा १४ जनाको मृत्यु भएको छ । धरानका लागि छुटेको बा ४ ख ७३५ नम्बरको 'रेसम फिरिरी' बस मादी नगरपालिका-६ सातघुम्तीमा बिहान ७ बजे दुर्घटना भएको संखुवासभा प्रहरी प्रमुख डिएपी लालध्वज सुवेदीले इकागजलाई जानकारी दिए । 

दुर्घटनास्थलबाट १४ जनाको शव निकालिएको उनले बताए । उद्दारको काम जारी रहेको उनको भनाइ छ । 

उनका अनुसार दुर्घटनामा पाँच जना घाइते भएका छन् । घाइतेको अवस्था गम्भीर छ । 

बसमा कति जना सवार थिए भन्ने यकिन भइसकेको छैन । बस सडकबाट करिब ३ सय मिटर तल खसेको थियो ।

घाइतेहरूको चैनपुरमाा उपचार हुँदैछ । त्यहाँ उपचार हुन नसकेकाहरूको धरानस्थित वीपी कोइराला अस्पताल लैजाने तयारी रहेको उनले बताए ।