दाहाललाई ओलीको लगातार फोन

फाइल तस्बिर

काठमाडौँ  :  नेकपा माओवादी केन्द्रका अध्यक्ष पुष्पकमल दाहाललाई भेटेर छलफल गर्न एमालेका अध्यक्षसमेत रहेका प्रधानमन्त्री केपी शर्मा ओलीले आग्रह गरेका छन् । ओलीले सोमबार साँझ दाहाललाई फोन गरेर भेटका लागि प्रस्ताव गरेको माओवादी केन्द्रका प्रवक्ता नारायणकाजी श्रेष्ठले इकागजलाई जानकारी दिए ।

‘प्रधानमन्त्री ओलीले किन फोन गरे भन्ने छर्लङ्गै छ । उहाँको बानी सबैलाई थाहा छ । फोन वा भेटेर छलफल गर्दा के नै बिग्रन्छ र ?’ श्रेष्ठले भने, ‘सरकार फेर्ने बाहेक अरु कुनै पनि सहमति हुँदैन ।’  माओवादी केन्द्रका अनुसार ओलीले आइतबार साँझ पनि दाहाललाई फोन गरेर भेटवार्ता गर्न प्रस्ताव गरेका थिए ।