‘निधन भएका सांसदलाई श्रद्धाञ्‍जली दिन मात्रै संसद् पुनःस्थापना गरियो’

फाइल तस्बिर

काठमाडौँ  : संस्कृति, पर्यटन तथा नागरिक उड्डयनमन्त्री भानुभक्त ढकालले निधन भएका सांसदहरुलाई श्रदाञ्‍जली दिन मात्रै संसद पुनःस्थापना भएको आरोप लगाएका छन् ।  हनुमानढोका दरबार संग्रहालय विकास समितिको १० औं वार्षिक उत्सवको अवसरमा आयोजित गरगहना प्रदर्शनी तथा पुस्तक विमोचन कार्यक्रममा ढकालले मृत सांसदहरुलाई श्रदाञ्‍जली दिन मात्रै संसद पुनःस्थापना भएको बताएका हुन् । 

ढकालले नयाँ जनादेशमा जान संसद् विघटन गर्दा प्रतिगमन हुने तर मृत सांसदहरुको शोक प्रस्ताव पारित गर्न मात्रै संसद बैठक बस्नु प्रतिगमन नभई केहो भन्दै प्रश्न गरे । सांसदहरुले होटलमा कोठा पाउन छोडेको प्रसंग उल्लेख गर्दै उनले प्रतिनिधि सभा पुनःस्थापनापछि सांसदकै हैसियतमा होटलमा बस्न थालेको टिप्पणी गरे । 
उनले संसदमा वर्तमान सरकारकै बहुमत रहेको रहेको भन्दै कसैको बहुमत पुगे सरकार गठन गरेर देखाउन चुनौती पनि दिए ।