सर्‍यो कांग्रेस केन्द्रीय समिति

काठमाडौं : प्रमुख प्रतिपक्षी दल नेपाली कांग्रेस केन्द्रीय कार्यसमितिको बैठक तीन दिन पर सरेको छ । शुक्रबार बोलाइएको बैठक सोमबारसम्म सारिएको हो । 

कांग्रेस केन्द्रीय कार्यालयका मुख्यसचिव  कृष्णप्रसाद पौडेलले शुक्रबार बोलाइएको  केन्द्रीय कार्यसमिति बैठक सोमबारसम्म सारिएको जानकारी दिए । 

पार्टीको १४ औं महाधिवेशन सार्ने विषयमा छलफल गर्न सभापति शेरबहादुर देउवाले शुक्रबार बोलाएका थिए । यसअघि असोज १९ र २५ गते बोलाइएको बैठक पनि केन्द्रीय सदस्यहरूलाई कोभिड-१९ संक्रमण भएपछि सारिएको थियो ।