माओवादीको स्थायी कमिटी बैठक चलिरहेको बेला भीम रावल पेरिसडाँडा पुगेपछि...

काठमाडौँ : नेकपा माओवादी केन्द्रको स्थायी कमिटी बैठक चल्दै गर्दा एमाले नेता भीम रावल पेरसडाँडा पुगेका छन् । शनिबार बिहान ९ बजेदेखि जारी स्थायी कमिटी बैठक चल्दै गर्दा रावल माओवादी केन्द्रका अध्यक्ष पुष्पकमल दाहाललाई भेट्‍न पेरिसडाँडा पुगेका हुन् । 

रावल पेरिसडाँडा पुगेपछि अध्यक्ष दाहालसँग करिब १५ मिनेट छलफल गरेका थिए । 'रावल आउनु भएको थियो अध्यक्ष प्रचण्डसँग करिब १५ मिनेट जति कुरा गरेर जानुभयो' एक स्थायी कमिटी सदस्यले इकागजलाई जानकारी दिए । रावल माओवादीको बैठकमा भने बसेनन् । रावलका स्वकिय सचिव गोविन्द दुवलले रावल पेरिसडँडामा गएकोबारे आफुलाई थाहा नपाएको बताए ।