कांग्रेस नेता नवीन्द्रराज जोशी फेरि कोमामा

काठमाडौँ : पूर्वमन्त्री तथा कांग्रेस नेता नवीन्द्रराज जोशीको स्वास्थ्य अवस्था फेरि बिग्रिएको छ । फागुन १३ ब्रेन ह्यामरेज भएका उनको थापाथलीस्थित नर्भिक अस्पतालमा उपचार भइरहेको छ ।

शनिबारदेखि उनको स्वास्थ्य अवस्थामा थप समस्या देखिएको उपचारमा संलग्‍न डा. राजिव झाले बताए । ‘केही समयअघि उहाँको स्वास्थ्यमा सुधार आएको थियो,’ उनले भने, ‘दुई दिन  हामीले भेन्टिलेटर बाहिर राखेर उपचार गरेका पनि  थियौँ । तर, शनिबारदेखि श्‍वास फेर्न गाह्रो भएपछि पुनःभेन्टिलेटरमा राखेर उपचार गरिरहेका छौँ ।’

डा. झाका अनुसार जोशी अहिले कोमामा छन् । उच्च रक्तचापका कारण उनलाई मस्तिष्कघात भएको थियो ।