अब एमाले र माओवादी केन्द्र भइयो, त्यहीँबाट संघर्ष गर्छौँ : झलनाथ खनाल

फाइल तस्बिर

काठमाडौँ : दाहाल-नेपाल समूहका वरिष्ठ नेता झलनाथ खनालले सर्वोच्च अदालतलको फैसलालाई आफूहरुले स्वीकार गरेको बताएका छन् । फैसलाको मुताविक नै दुई दल अलक अलग भएर अघि बढ्ने पनि उनले बताए । सर्वोच्च अदालतको फैसला निकै राजनीतिक फैसला हो भन्दै त्यसविषयमा पनि ध्यान दिन सबै पक्षलाई उनले आग्रह गरेका छन् । 

‘सर्वोच्चको यो फैसला राजनीतिक हो । यसबाट नकारात्मक अवस्था निम्तिने छ,’ उनले इकागजसँग भने, ‘यद्यपि अदालतले गरेको निर्णयलाई लागू  गर्नेछौँ । अब एमाले र माओवादी केन्द्र भइसकेका छौँ। सोही स्थानमा रहेर संघर्ष गर्नेछौँ ।’ 

बैठकमा सबै जसो नेताहरुले अदालतको फैसला अनुरुप पूर्वएमाले र पूर्वमाओवादी अलग अलग भएर जाने धारणा राखेको अनुरुप नै यस्तो निर्णयमा पुगिएको उनले सुनाए । उनले भने, एमाले भित्र रहेर नै संघर्ष गर्ने हो तर एकताको सम्भावना सँधै रहिरहने पनि उनले बताए । अदालतको आदेशलाई माने पनि यसको निराकरणको खोजी पनि सँगै हुने उनले प्रष्ट पारे ।