शंकर पोखरेल र घनश्याम भुसालबीच भेटवार्ता

काठमाडौँ  :  सत्ता र सडकमा रहेका दुई नेकपा मिलाउन प्रयासरत दोस्रो तहका नेताहरूको भेटवार्ता बाक्लिएको छ । बिहीबार नेकपाको संसदीय दलको कार्यालयमा ओली पक्षका नेता तथा लुम्बिनी प्रदेशका मुख्यमन्त्री शंकर पोखरेल र दाहाल-नेपाल समूहका नेता तथा पूर्वमन्त्री घनश्याम भुसालबीच भेटवार्ता भएको छ ।  
उनीहरुसँगै अन्य नेताहरु पनि सहभागी थिए । दुई चिरामा विभाजित नेकपालाई एक बनाउने विषयमा छलफल भएको बताइएको छ ।  भुसालले भेटवार्ता भएको पुष्टि गरे पनि छलफलको बारेमा भने जानकारी दिएनन् ।