सवारी दुर्घटनामा एक जनाको मृत्यु

काठमाडौँ : पूर्वपश्चिम लोकमार्ग अन्तर्गत झापाको सुरुङ्गा माईधार सडक खण्डमा भएको सवारी दुर्घटनामा एक जनाको मृत्यु भएको छ । मृत्यु हुनेमा सोलुखुम्बुको पासाङल्यामु गाउँपालिका १ का ३३ वर्षीय दिलिप राना रहेको जिल्ला ट्राफिक प्रहरी कार्यालय झापाले जनाएको छ ।  

अपरान्ह करिब साढे ४ बजेको समयमा पश्चिमबाट पूर्वतर्फ जाँदै गरेको को ४ क १६८४ नम्बको ट्रकले सुरुमा प्रदेश १–००१ च ०१६७ नम्बरको कारलाई ठक्कर दिएको थियो । त्यसपछि सो ट्रकले प्रदेश १ –०१३ –प १७८३ नम्बरको मोटरसाईकललाई समेत ठक्कर दिदा सो दुर्घटना भएको हो । 

दुर्घटनामा मृत्यु हुने मोटरसाईकलमा सवार रहेको प्रहरीले जनाएको छ । दुर्घटनामा परि ६ जना घाइते भएका छन् । घाइते मध्ये मोटरसाईकलमा सवार सुनसरीको धरान उपमहानगरपालिका १६ का दिलिप क्षेत्रीको अवस्था भने गम्‍भीर रहेको प्रहरीको भनाइ छ ।