रेडपाण्डाको छालासहित चार जना पक्राउ

बाँके : कोहलपुरको बसपार्कस्थिल एक होटलबाट रेडपाण्डाको छालासहित चार जनालाई प्रहरीले पक्राउ गरेको छ ।  दुर्लभ वन्यजन्यु रेडपाण्डाको छाला ओसारपसार भइरहेको भन्ने सूचनाको आधारमा जिल्ला प्रहरी कार्यालय बाँकेबाट खटिएको बिशेष प्रहरी टोलीलले मंगलवार उनीहरुलाई पक्राउ गरेको हो ।

पक्राउ पर्नेहरुमा सुर्खेत बराहताल गाउँपालिका वडानम्वर ५ निवासी  गणेश नेपाली, लाल बहादुर नेपाली, जिल्ला दैलेख चामुण्डा बिन्न्द्रासैनी नगरपालिका वडा नम्वर ५ निवासी दिनेश कार्की र उमेश बहादुर थापा रहेका छन् । 

राष्ट्रिय निकुन्ज तथा वन्यजन्तु संरक्षण ऐन २०२९ को दफा २६ (क) बमोजिमको १० लाख सम्म जरिवाना र ५ वर्ष देखी १० वर्ष सम्म कैद वा दुवै सजाय हुन सक्ने व्यवस्था बमोजिम उनीहरुलाई कारबाही गरिने प्रहरीले जनाएको छ ।