रानाभाटको निधनप्रति कांग्रेसद्वारा दुख व्यक्त

काठमाडौँ  : पूर्व सांसद तथा नेपाली कांग्रेसका महासमिति सदस्य एकनाथ रानाभाटको निधनप्रति नेपाली कांग्रेसले दुख व्यक्त गरेको छ । पार्टी केन्द्रीय कार्यालयका मुख्यसचिव कृष्णप्रसाद पौडेलले विज्ञप्ती जारी गर्दै रानाभाटको निधनप्रति दुख व्यक्त गरेका हुन् । रानाभाटको ६६ वर्षको उमेरमा सोमबार उपचारको क्रममै निधन भएको हो ।  

 रानाभाट २०५६ को आम निर्वाचनमा चितवन जिल्ला निर्वाचन क्षेत्र नम्बर २ बाट नेपाली कांग्रेसको तर्फबाट प्रतिनिधि सभा सदस्यमा निर्वाचित भएका थिए । उनको निधनबाट पार्टीले एक निष्ठावान नेतृत्वलाई गुमाएको र अपूरणीय क्षति पुगेको कांग्रेसले भनेको छ ।

रानाभाटको पार्थिव शरीरलाई मंगलबार बिहान ८ः३० बजेदेखि बिहान ९ः३० बजेसम्म पार्टी कार्यालय नारायणगढमा राखिने कांग्रेसले जनाएको छ । अन्त्यष्ठी देवघाटमा गरिने कांगेसको शोक वक्तव्यमा उल्लेख छ ।   सभापति शेरबहादुर देउवाले पनि रानाभाटको निधनप्रीत दुख व्यक्त गरेका छन् । त्यस्तै कांग्रेसको राष्ट्रियसभा संसदीय दलले पनि शोक वक्तव्य जारी गर्दै रानाभाटको निधनप्रति दुख व्यक्त गरेको छ ।