काबुलमा विस्फोट हुँदा पाँचको मृत्यु

काबुल : अफगानिस्तानको राजधानी काबुलमा शनिबार तीन ओटा कारलाई लक्षित गर्दै भएको तीन ओटा विस्फोटमा परी कम्तीमा पाँच जनाको मृत्यु भएको छ । मृत्यु हुनेमा दुई प्रहरी र एक महिलासहित तीन सर्वसाधारण रहेका काबुल प्रहरीले जनाएको छ । विस्फोटमा परी अन्य दुई जना घाइते भएका काबुलले प्रहरीले पुष्टि गरेको छ । 

विस्फोटहरू बिहानको व्यस्त समय भएका थिए । पहिलो विस्फोट स्थानीय समयानुसार शनिबार बिहान ८ बजे भएको थियो । दोस्रो विस्फोट १५ मिनेट पछि भएको थियो, भने तेस्रो विस्फोटन शनिबार बिहान १० : २० बजे भएको काबुलका प्रहरी प्रवक्ता फरदौस फारामारसले सिन्ह्वा सामाचार समितिलाई जानकारी दिए ।  
 
घटनाको विस्तृत विवरण प्राप्त भइनसकेको र विस्तृत विवरणको लागि अपराध अनुसन्धान विभागसहित संयुक्त सुरक्षा टोली खटिएको प्रहरीले बताएको  छ । (रासस)