युवा संघ ओलीको साइबर सेना बन्‍ने

काठमाडौँ : नेकपा (ओली समूह) निकट राष्ट्रिय युवा संघ नेपालले प्रधानमन्त्री केपी शर्मा ओलीको साइबर सेना बनेर काम गर्ने निर्णय गरेको छ । शनिबार काठमाडौंमा पत्रकार सम्मेलन गरी संघका अध्यक्ष बचनबहादुर सिंहले माघ २५ र २६ गते बसेको संघको केन्द्रीय समिति बैठकले यस्तो निर्णय गरेको बताए । समाजिक सञ्‍जालमा सरकार र प्रधानमन्त्री ओलीविरुद्ध भइरहेको गलत प्रचारलाई नियन्त्रण गर्ने काम साइबर सेनाले गर्ने पनि प्रष्ट पारे । 

आफूलाई वुद्धिमान ठान्‍नेहरूले सरकार र कम्युनिष्ट पार्टीबारे जनतालाई दिगभ्रमित पार्ने काम सामाजिक सञ्‍जालबाट गरिरहेकोले त्यसलाई नियन्त्रण गर्न साइबर सेनाले आफ्नो विवेक प्रयोग गरी परिचालन हुने बताए । यस्तै अध्यक्ष सिंहले आगामी चैत मसान्त भित्रमा ७७ वटै जिल्लामा युवा संघको समिति निर्माण गर्ने, सबै संघीय निर्वाचन क्षेत्रमा समन्वय कमिटी, प्रदेश निर्वाचन क्षेत्र समन्वय कमिटी, स्थानीय तहहरू र वडाहरूमा वटा कमिटी गठन गरी सुदृढ कमिटी प्रणाली स्थापित गर्ने निर्णय गरेकोसमेत बताए । 

प्रधानमन्त्री केपी शर्मा ओलीले लिएएको समृद्ध नेपाल सुखी नेपालीको आकांक्षालाई पुरा गर्न र पार्टीलाई सहयोग गर्न बर्दीबिनाको सेनाको रूपमा ५ लाख सदस्यता वितरण गर्ने पनि सिंहले बताए । दाहाल–नेपाल समूहको सत्ता मोहका कारण जनतामा निरासा छाइरहेको अवस्थामा प्रधानमन्त्री ओली नेतृत्वको पार्टीले जनतालाई निरुत्साहित हुन नदिने समेत अध्यक्ष सिंहले बताए । 

आगामी बैशाख १७ र २७ गते हुन गइरहेको मध्यावधि निर्वाचनमा युवा संघ केन्द्रित हुने पनि उनले बताए । सरकारलाई गरिएको घेरावन्दीलाई चिरफार गर्दै राष्ट्रिय युवा संघमा कुनै धार, गुट र समूह बन्‍न नदिने पनि अध्यक्ष सिंहले बताए ।  

र याे पनि...

मण्डले प्रतिरुपमा ‘साइबर अपराधी’हरू

पत्रकार थापा र शर्मामाथि खनिए महेश बस्‍नेत (भिडियोसहित)