पाठक भए साझा पार्टीका प्रवक्ता

काठमाडौंः साझा पार्टीको प्रवक्ताको जिम्मेवारी केन्द्रीय सदस्य शरदराज पाठकले पाएका छन् । ६ महिनादेखि सहप्रवक्ताको भूमिका निर्वाह गर्दै आएका पाठकलाई शनिबार प्रवक्ताको जिम्मेवारी दिइएको साझा पार्टीले विज्ञप्ति निकालेर जनाएको छ।

२०७४ सालमा भएको प्रतिनिधि सभा  निर्वाचनमा पाठक चितवन क्षेत्र नं ३ बाट साझा पार्टीका उमेदवार थिए ।

ग्रामीण विकासमा स्‍नातकोत्तर पाठकले साझा पार्टीमा सकृय हुनअघि विभिन्न सञ्‍चारमाध्यममा काम गरेका थिए । अष्ट्रेलियामा रहँदा अष्ट्रेलियाको नेपालीपत्र साप्ताहिक र नेपालमा कालिका एफएम, रेडियो अन्नपूर्ण र कान्तिपुर एफएममा पाठकले समाचारमा काम गरेका थिए।