कैलालीमा ट्रकले मोटरसाइकललाई ठक्कर दिँदा एकको मृत्यु

धनगढी : कैलालीमा ट्रकले मोटरसाइकललाई ठक्कर दिँदा एक जनाको मृत्यु भएको छ । जिल्लाको लम्कीचुहा नगरपालिका-१० मा ५ ख ८४०६ नम्बरको ट्रकले लु ७८ प ३९०५ को नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको प्रहरीले जनाएको छ । 

मृत्यु हुनेमा  सोही नगरपालिका-४ बलियाका २४ वर्षीय दिनेश चौधरीको रहेको प्रहरीले जनाएको छ । मोटरसाइकलमा सवार जानकी गाउँपालिकाकी १८ वर्षीया चन्द्रा चौधरी घाइते भएकी छन् । गम्भीर घाइते उनलाई थप उपचारका लागि कोहलपुर अस्पताल रेफर गरिएको छ ।