प्रतिनिधि सभा विघटनले मुलुक दुर्घटनातर्फ : उपराष्ट्रपति पुन

काठमाडौँ  : उपराष्ट्रपति नन्दबहादुर पुनले प्रतिनिधि सभा विघटनपछि मुलुक राजनीतिक दुर्घटनातर्फ धकेलिएको बताएका छन् । नेपाल पत्रकार महासंघको २६ औँ महाधिवेशनको उद्घाटन समारोहलाई सम्बोधन गर्दै उपराष्ट्रपति पुनले प्रतिनिधि सभा विघटनले देश राजनीतिक दुर्घटनाउन्मुख भएको बताएका हुन् ।  

‘पूर्वप्रधान न्यायाधीहरु, पूर्वन्यायाधीशहरु, संविधानविदहरु, नागरिक समाज, प्राय राजनीतिक पार्टीहरु, पत्रकारहरुले पनि प्रतिनिधि सभा विघटनलाई असंवैधानिक भनिरहनु भएको छ,’ उनले भने, ‘नेपाली जनता समृद्धि, स्थायीत्व, परिवर्तनको साथै संविधानको पालना र संविधानले व्यवस्था गरेको अधिकार उयोग गर्न चाहन्छ ।  प्रतिनिधि सभा विघटनपछि गहिरिएको राजनीतिक संकटबाट जनतामा निराश र आक्रोश छाएको छ ।’

जनतामा निराश र आक्रोश छाउनु देशको लागि राम्रो संकेत नभएको उनको भनाइ छ ।  ‘संविधान कार्यान्वयन चरणमा संविधानमाथि प्रहार गरियो ।  देशलाई भूमरीमा पारियो भनि प्रश्न उठ्नु ज्यादै दुखद् कुरा हो’ उनले भने ।