लिभरपुलले आरबी लाइपेजलाई हरायो

काठमाडौँ : च्याम्पियन्स लिग फुटबलमा लिभरपुलले आरबी लाइपेजलाई हराएको छ । मंगलबार राती भएको खेलमा लिभरपुलले लाइपेजमाथि २-० गोलको जित निकालेको हो ।

लिभरपुलका लागि मोहम्मद सलाह र साडियो मानेले गोल गरे । सलाहले ५३ र मानेले ५८ औँ मिनेटमा गोल गरेका हुन् । जितसँगै लिभरपुलले क्वाटरफाइनल पुग्ने सम्भावना बलियो बनाएको छ । 

अब दोस्रो लेग अन्तर्गत घरेलु मैदानमा लिभरपुललाई बराबरीले पनि क्वाटरफाइनल पुग्न पर्याप्त हुनेछ ।