धनुषाको खेतमा भेटियो एक महिलाको शव

जनकपुरधाम : धनुषाको कमला नगरपालिका-२ माची झिटकैयामा एक महिलाको शव फेला परेको छ । मंगलबार बिहान खेतमा एक महिलाको शव फेला परेको ईलाका प्रहरी कार्यालय खजुरीले जनाएको छ ।

ईलाका प्रहरी कार्यालय खजुरीका प्रहरी निरीक्षक हृयेन्द्र रोकायाकाअनुसार हुलाकी राजमार्गभन्दा करीब १० मिटरभित्र खेतमा महिलाको शव फेला परेको हो । उनी स्थानीय खुसिया गडेरीको श्रीमती हुन् । उनका दुई श्रीमती छन् । मृतक महिला जेठी पत्नी हुन् । 

बिहान एक स्थानीय युवक शौचका लागि खेतमा गएको बेला महिलाको शव देखेपछि प्रहरीलाई फोन गरेर जानकारी गराएको वडा नम्बर २ का अध्यक्ष धनेश्वर यादवले बताए । उनको हत्या गरेर खेतमा फालेको हुनसक्ने आशंका गरिएको छ । ईलाका प्रहरी कार्यालय खजुरीको प्रहरी टोली शव नियन्त्रणमा लिई पोष्टमार्टमका लागि पठाएर अनुसाधान थालिसकिएको रोकायाले बताए ।