पूर्वप्रधानमन्त्री खनालको उपचार दिल्लीमा हुँदै

काठमाडौँ  :  नेकपा दाहाल-नेपाल समूहका नेता तथा पूर्वप्रधानमन्त्री झलनाथ खनालको उपचार भारतको नयाँ दिल्लीस्थित अपोलो अस्पतालमा हुने भएको छ । नियमित स्वास्थ्य परीक्षण तथा उपचारका लागि भारत पुगेका खनाललाई अपोलो अस्पतालमा राखिएको भारतका लागि नेपाली राजदूत निलम्बर आचार्यले जानकारी दिए । दिल्लीस्थित दूतावासका प्रतिनिधिसहित अस्पतालमा पुगेर खनाललाई भेट गर्दै स्वास्थ्य अवस्था र उपचारबारे राजदूत आचार्यले जानकारी लिएका थिए । खनाल श्रीमतीसहित आजै दिल्ली गएका थिए ।