हराएका मोटरसाइकल जिम्मा लगाउँदै ट्राफिक प्रहरी

काठमाडौँ : महानगरीय ट्राफिक प्रहरी महाशाखाले हराएका २५ वटा मोटरसाईकल सम्बन्धित धनिलाई हस्तान्तरण गरेको छ ।  मंगलबार महानगरीय ट्राफिक प्रहरी महाशाखाले एक कार्यक्रमको आयोजना गरी भेटिएका मोटरसाईकलहरु सम्बन्धित धनिहरुलाई हस्तान्तरण गरेको हो । 

उपत्यकाका विभिन्‍न स्थानहरुबाट हराएका मोटरसाईकलहरु बालाजु, टोखा, सातदोबाटो, माछापोखरी, मुलपानी, तिनकुने, बलम्बु, दरबारमार्ग, बौद्ध, कालिमाटी, महाराजगंज, कलंकी लगायतका स्थानबाट फेला पारी सम्बन्धित धनिहरुलाई हस्तान्तरण गरेको महानगरीय ट्राफिक प्रहरी महाशाखा प्रमुख जनक भट्टराईले जानकारी दिए ।

भट्टराईले मोटरसा‍इकल हराउने अवस्था रोकी सवारी धनिलाई मानसिक र आर्थिक क्षतिबाट कसरी बचाउन सकिन्छ भन्‍नेबारे उपायको खोजी भइरहेको बताए । सवारी धनि स्वयमले सवारी हराउनु हुन्‍न भन्‍नेमा चिन्तित भएर अतिरिक्त सुरक्षाको व्यवस्था गरे हराउने क्रम घट्न सक्ने उनको भनाइ छ । ट्राफिक प्रहरीले सादा पोसाकका प्रहरी परिचालन गरेर हराएको मोटरसाईकल र स्कुटर खोज्‍ने कामलाई तिव्रता दिएको भट्टराईले जानकारी दिए ।