श्रीमतीको हत्या गरेको अभियोगमा पक्राउ

कास्की : श्रीमतीलाई बन्चरो प्रहार गरी हत्या गरेको अभियोगमा एक व्यक्ति पक्राउ परेका छन् । ४२ वर्षीया हरिमाया पुनलाई हत्या गरेको अभियोगमा उनका श्रीमान गमबहादुर पुनलाई शुक्रबार प्रहरीले पक्राउ गरेको हो ।

पोखरा महानगरपालिका-३३ उपल्लो पुँडी बस्ने हरिमाया शुक्रबार आफ्नै कोठामा मृत अवस्थामा फेला परेकी थिइन् । खाना नबनाएको विषयमा झै-झगडा हुँदा गमबहादुरले श्रीमतीलाई बञ्‍चरो प्रहार गरेको अनुसन्धानमा खुल्न आएको छ । 
 
यस विषयमा थप अनुसन्धान भइरहेको जिल्ला प्रहरी कार्यालय कास्कीले जनाएको छ ।