अदालतलाई प्रभावित पार्न नेकपाले सडक प्रदर्शन गर्‍यो : कमल थापा

फाइल तस्बिर

काठमाडौँ  :  राष्ट्रिय प्रजातन्त्र पाटी (राप्रपा) का अध्यक्ष कमल थापाले सत्तारुढ नेकपाले अदालतलाई धम्क्याउन सडक प्रदर्शन गरेको आरोप लगाएका छन् ।  थापाले ट्वीटरमा लेखेर नेकपा आफैँ विभाजित भएको र अदालतमा विचाधिन मुद्दालाई प्रभावित पार्न सडक प्रदर्शन गरेको बताएका हुन् ।  पूर्वमन्त्रीसमेत रहेका थापाले चारवटा बुँदा उल्लेख गरेर २०६२÷०६३ पछिको असफलता उल्लेख गरेका छन् ।  

 ‘सत्तारुढ दलले आफ्नै प्रम बिरुद्ध अविश्वास प्रस्ताव, प्रमद्वारा संसद विघटन, मुद्दा विचाराधिन रहेकै अवस्थामा अदालतलाई धम्क्याउन सडक प्रदर्शन,’ उनले लेखेका छन्, ‘व्यवस्थापिका प्रमुखद्वारा कार्यपालिका र न्यायपालिका प्रमुख विरुद्ध अदालतमा मुद्दा । यी घटनाक्रमले ६२÷६३पछिको मार्गचित्र असफल प्रमाणित गरेको छ ।’ 

-सत्तारुढ दलले आफ्नै प्रम बिरुद्ध अविश्वास प्रस्ताव
-प्रमद्वारा संसद विघटन
-मुद्दा विचाराधिन रहेकै अवस्थामा अदालतलाई धम्क्याउन सडक प्रदर्शन
-व्यवस्थापिका प्रमुखद्वारा कार्यपालिका र न्यायपालिका प्रमुख विरुद्ध अदालतमा मुद्दा
यी घटनाक्रमले ६२/६३पछीको मार्गचित्र असफल प्रमाणित गरेको छ

— Kamal Thapa (@KTnepal) February 6, 2021