सुध्रिएन लिभरपुलको प्रदर्शन, ब्राइटनसँग पराजित

काठमाडौँ : इंग्लिस प्रिमियर लिग फुटबलमा लिभरपुल ब्राइटनसँग पराजित भएको छ । बुधबार राती भएको खेलमा लिभरपुल ब्राइटनसँग १-० गोलले पराजित भएको हो । ब्राइटनका लागि स्टिभन एल्जेटले विजयी गोल गरे ।

पछिल्ला दुई खेलमा सन्तोषजनक नतिजा निकालेको लिभरपुल फेरि खराब अवस्थामा पुगेको छ । साविक विजेता भएपनि लिभरपुलका खेलाडीको प्रदर्शन एकनास नहुँदा यसपटक उसले उपाधि रक्षा गर्ने सम्भावना कमजोर बन्दै गएको छ ।

हारपछि लिभरपुल शीर्ष स्थानको म्यानचेष्टर सिटीसँग ७ अंकले पछि परेको छ । उपाधि होडमा गम्भिर धक्का व्यहोरिरहेको लिभरपुलको ४० अंक छ भने सिटीको ४७ अंक छ । जित निकालेको ब्राइटन भने २४ अंकसहित १५ औँ स्थानमा छ ।