'राष्ट्रपतिलाई महाअभियोग र प्रधानमन्त्रीलाई बर्खास्त हुनबाट जोगाउन निर्वाचन घोषणा'

फाइल तस्बिर

काठमाडौँ  : नेकपा ओली समूहका नेता तथा गृहमन्त्री रामबहादुर थापाले राजनीतिक रूपमा विभाजित भएर अलग भएका समूहलाई पार्टीमा फर्कन आग्रह गरेका छन् । बुधबार अखिल नेपाल ट्रेड युनियन महासंघको सातौ भेलालाई सम्बोधन गर्दै थापाले आफूहरु एकताबद्ध भएर अघि बढ्ने अभियानमाा लागेको बताएका हुन् । 
 उनले नेकपाको दाहाल-नेपाल समूहलाई पनि आत्मआलोचना गरेर पार्टीमा फर्कन आग्रह गरे ।  

थापाले विघटित प्रतिनिधि सभा बैठक बोलाएर प्रधानमन्त्रीलाई बर्खास्त गर्ने योजना बनाएको र राष्ट्रपतिमाथि अभियोग लगाउने तयारी भएपछि मुलुकलाई संकटबाट बचाउन ताजा जनादेशमा जाने निर्णय गरिएको बताए । उनले पार्टीभित्रका अवसरवादीले काम गर्न नदिएका कारण प्रधानमन्त्रीले संसदको विघटन गर्ने काम गरेको बताए । थापाले आफूहरु नै आधिकारीक नेकपा भएको भन्दै निर्वाचनको तयारीमा लाग्न निर्देशन पनि दिए ।