खैरो हिरोइनसहित कञ्‍चनपुरबाट एक जना पक्राउ

काठमाडौं : कञ्चनपुर प्रहरीले खैरो हिरोइनसहित एक जनालाई पक्राउ गरेको छ । जिल्लाको बेल्डाडी गाउँपालिका–३ खैरीघाटस्थित लागुऔषधको कारोबार भइरहेको सूचनाका खटिएको टोलीले ११ ग्राम १६० मिलिग्राम खैरो हिरोइन जस्तो देखिने धुलो पदार्थ एक जनालाई पक्राउ गरेको हो । पक्राउ पर्नेमा बेल्डाडी–३ बस्ने ५७ वर्षीय टिकाबहादुर केसी रहेको प्रहरीले जनाएको छ ।