आन्दोलनमा उल्लेख्य जनसहभागिताले हौसला बढायो : कांग्रेस
माघ १९, २०७७ सोमबार १८:४९
काठमाडौँ : नेपाली कांग्रेसले प्रतिनिधि सभा विघटनविरुद्ध पार्टीका १३ भ्रातृसंस्थाले सोमबार ७७ वटै जिल्लामा गरेको विरोध प्रदर्शन सफलतापूर्वक सम्पन्न भएको बताएको छ । सभापति शेरबहादुर देउवाले विज्ञप्ति जारी गर्दै विरोध प्रदर्शन सफलतापूर्वक सम्पन्न भएको बताएका हुन् ।
विज्ञप्तिमा देउवाले आन्दोलनमा देखिएको जनसहभागिताले कुशासनविरुद्धको जनभावना अभिव्यक्त गरेको बताएका छन् । ‘प्रदर्शनले के.पी. शर्मा ओली नेतृत्वको नेपाल कम्युनिष्ट पार्टीको सरकारले गरेको प्रतिनिधि सभा विघटनको असंवैधानिक र अलोकतान्त्रिक, सर्वसत्तावाद उन्मुख कदम एवं मुलुकमा व्याप्त भ्रष्टाचार, कोभिड-१९ नियन्त्रण र व्यवस्थापनमा सरकारको असफलता र कुशासनको विरुद्ध जनभावना अभिव्यक्त गरेको छ,’ देउवाद्वारा जारी विज्ञप्तिमा उल्लेख छ ।
देउवाले प्रदर्शनमा सहभागी सबैमा पार्टीका तर्फबाट आभार प्रकट गरेका छन् । प्रदर्शन सफल बनाउन भ्रातृ संघका नेता कार्यकर्ताका साथै पार्टीका शुभचिन्तक र शुभेच्छुकहरू तथा सामाजिक सञ्जालमार्फत भूमिका निर्वाह गर्ने सबैलाई धन्यवाद दिएका छन् ।
दमक भ्युटावर शुल्क लिई सञ्चालन गर्न स्वीकृति
मानवीय जीवन र पृथ्वीको भविष्य जोगाउन मिलेर काम गर्नुपर्छः प्रधानमन्त्री ओली
प्रधानमन्त्रीले रुसी प्रतिनिधि मण्डलसँग भने, ‘नेपालीलाई अब रुसी सेनामा भर्ना न…
मनसुन सुरु हुनु अगावै सडक स्तरोन्नतिको व्यवस्था गराउन सांसदको माग
सुन्दरीजल क्षेत्रमा खानेपानी नदिएको भन्दै सांसदको आपत्ति
टेरामक्स प्रकरण : मोहन बस्नेतसहित मुद्दा दायर गरिएका अरू १६ जना को-को हुन् ?
टेरामक्स प्रकरण : मोहन बस्नेत सांसद पदबाट निलम्बित
प्रतिक्रिया