माइतीघरको प्रदर्शनमा दाहाल र नेपाल पनि जाने

काठमाडौँ : प्रतिनिधि सभा विघटनविरुद्ध माइतीघर मण्डलामा हुने प्रदर्शनमा नेकपाका अध्यक्षद्धय पुष्पकमल दाहाल र माधव कुमार नेपाल सहभागी हुँदैछन् । माघ १४ गतेदेखि दाहाल-नेपाल समूहले मण्डलामा प्रदर्शन गरिरहेका छन् । धर्नामा संघीय सांसद, प्रदेशसभा सांसद र संविधानसभाका सदस्य पनि सहभागी छन् । 

प्रदर्शनमा आइतबार मध्यान्ह १२ बजे अध्यक्षद्धय दाहाल र नेपाल सहभागी हुने नेकपाका केन्द्रीय सदस्य विष्णु रिजालले जानकारी दिए । प्रतिनिधि सभा विघटनविरुद्ध तेस्रो चरणको आन्दोलन गरिरहेको दाहाल-नेपाल समूहले पछिल्लो लगातार तीन दिन बुटवल, विराटनगर र धनगढीमा शक्ति प्रदर्शन गरेको थियो ।

प्रतिनिधि सभा पुनःस्थापनाको माग गरेको दाहाल नेपाल समूहले माघ २८ गते काठमाडौँमा फेरि शक्ति प्रदर्शन गर्दैछ ।