आर्सनलसँग बराबरीमै रोकियो म्यानचेष्टर युनाईटेड

काठमाडौँ : म्यानचेष्टर युनाईटेड इंग्लिस प्रिमियर लिग फुटबलमा आर्सनलसँग बराबरीमा रोकिएको छ । शनिबार राती भएको खेलमा म्यान्यु आर्सनलसँग गोलरहित बराबरीमा रोकिएको हो । बराबरीसँगै म्यान्चेष्टर युनाईटेडले शीर्ष स्थानको म्यानचेष्टर सिटीसँगको अंकदुरी छोट्याउने अवसर गुमाएको छ ।

बराबरीपछि पनि दोस्रो स्थानमा रहेको युनाईटेडको २१ खेलबाट ४१ अंक छ । शीर्ष स्थानको सिटीको भने ४४ अंक छ । बराबरीपछि आर्सनल २१ खेलबाट ३१ अंकसहित नवौँ स्थानमा  छ । पछिल्लो समय आर्सनलले अपेक्षाकृत प्रदर्शन गर्न सकेको छैन् ।