बलात्कारको आरोपमा पक्राउ

सप्तरी : बलात्कार प्रयासका फरार एक आरोपी पक्राउ परेका छन् । सप्तरीको रूपनी गाउँपालिका-३ मलाहाटोलका २६ वर्षीय नरेश मुखिया मलाहालाई बलात्कार प्रयासको आरोपमा पक्राउ गरिएको जिल्ला प्रहरी कार्यालय सप्तरीले जनाएको छ ।

गत कात्तिक ६ गते राति शौचालय गएका बेला आरोपितले बलात्कार प्रयास गरेको भन्दै एक महिलाले उजुरी गरेकी थिइन । पीडितले जिल्ला प्रहरी कार्यालयमा दिएको उजुरी कात्तिक २७ गते नै दर्ता भए पनि फरार रहेकाले खोजतलासका क्रममा शनिबार पक्राउ गरिएको प्रहरी नायब उपरीक्षक भुवनेश्‍वरप्रसाद साहले जानकारी दिए । (रासस)