कारको ठक्करबाट बाटो काट्दै गरेका वृद्धको मृत्यु

राजविराज : पुर्व –पश्चिम राजमार्ग अन्तरगत  सप्तरीको बरमझियामा आज बिहान कारको ठक्करबाट एक वृद्धको मृत्यु भएको छ  । मृत्यु हुनेमा सप्तरीको कंचनरुप  नगरपालिका वडा नं। २ बरमझिया  निवासी ७५ वर्षीय तीलक सुरेत  रहेको इलाका प्रहरी कार्यालय कंचनपुरका प्रहरी नायव  उपरिक्षक नरेश कुमार सिँहले जानकारी  दिए  ।

पुर्वबाट  पश्चिम जाँदै गरेको बा १८ च ७७३४ नम्बरको कारले  बाटो काटने क्रममा तीलकलाई ठक्कर  दिएको  थियो  । सो ठक्करबाट  उनको घटनास्थलमै मृत्यु भएको  प्रहरीले जनाएको छ  । ठक्कर  दिएर भाग्न खाजेकाे कारलाई प्रहरी चौकी मोहलीले  नियन्त्रणमा लिएको  जिल्ला प्रहरी कार्यालयले जनाएको छ  । रासस