सेनाले बनाइदियो महानगरपालिकालाई सभाहल

काठमाडौँ ।  नेपाली सेनाले भरतपुर महानगरपालिकालाई  बहुउपयोगी (सभाहल) हस्तान्तरण गरेको छ । नेपाली सेनाको सामाजिक, आर्थिक विकासका पूर्वाधार निर्माण कार्यक्रमअन्तरगत सैनिक नागरिक सम्बन्धलाई थप प्रभावकारी बनाउनको लागि चितवनमा सभाहल बनाएको हो ।  

बटुकदल गण चितवनद्वारा भरतपुर महानगरपालिका-२२, घटगाई इलाकामा निर्माण गरिएको भवन मध्य पृतना हेडक्वारटरका पृतनापति उपरथी ताराध्वज पाण्डेले भरतपुर महानगरपालिकाकी प्रमुख रेणु दाहाललाई हस्तान्तरण गरेका हुन् । महानगरकी प्रमुख दाहालले प्राकृतिक जोखिममा रहेका बोटे समुदायहरुलाई उद्धार गरि सुरक्षित स्थानमा राख्‍न मद्दत पुग्‍ने साथै अन्य सामाजिक एवं सामुहिक कार्यक्रमहरुको लागि समेत हल उपयोगी हुने बताइन् ।