मर्लिन मुनरोको बोली सिक्न मात्र एनालाई लाग्यो नौ महिना

लसएन्जल्स : क्युबान अभिनेत्री एना डे आरमस अघिल्लो हप्तादेखि बेन एफलेकसँगको ब्रेकअपको समाचारले चर्चामा छिन् । १ वर्ष लामो उनीहरूको सम्बन्ध सहमतिमै सकिएको समाचार आएका छन् । कामको खबरलाई व्यक्तिगत खबरले जित्नु राम्रो होइन । यही भएर होला ब्रेकअपको खबरबाट मानिसको ध्यान मोड्न एनाले कामको चर्चा सुरु गरेकी छिन् ।
‘ब्लेड रनर २०४९ र ‘नाइभ्स आउट’बाट हलिउडमा धाम जमाएकी एना चाँडै नै मर्लिन मुनरोको बायोपिकमा देखिँदैछिन् । ‘ब्लन्ड’ शीर्षकको यो फिल्म नेटफ्लिक्समा सार्वजनिक हुने तरखरमा छ ।
तर, यो फिल्मका लागि एनाले ९ महिना लगाएर मुनरोको बोल्ने शैली सिकेकी थिइन् । ‘ मलाई मुनरोको लवज सिक्न र अभ्यास गर्न ९ महिना लागेको थियो,’ उनले भनेकी छिन्, ‘मेरा लागि यो टर्चर थियो र थकित बनाउने पनि । दिमागले काम गर्न छाडेको थियो ।’
उनले आजको आँखाबाट मुनरोको उपलब्धि हेर्दा प्रेरणादायी रहेको पनि बताएकी छिन् । ‘आज पनि महिलालाई फिल्म उद्योगमा काम गर्न सजिलो छैन । परिवारको साथ छैन र पृष्ठभूमि पनि गतिलो छैन भने यहाँ टिक्न एकदमै गाह्रो छ । तर, मुनरोले लामो यात्रा तय गरेकी थिइन्, उनले भनेकी छिन् ।
एनाले यो फिल्मका लागि धेरै पटक अडिसन दिएको पनि बताएकी छिन् । नेटफ्लिक्सले यो फिल्म यही वर्ष वा अर्को वर्षको गर्मी समयमा रिलिज गर्ने अनुमान गरिएको छ ।

बुद्धिसागरको कथामा चलचित्र निर्माण

भाजपा सांसद कंगनाले गर्ने भइन् हलिउडमा डेब्यु

भारतले लगायो पाकिस्तानको मनोरञ्जन बजारमाथि प्रतिबन्ध, ओटीटी प्लेटफर्म बन्द

किन हटाइयो युट्युबबाट अक्षयकुमारको हाउसफूलः ५ को टिजर ?

टाइगर श्राफको आमासँग राखि बाँध्छन् अनुपम खेर, दिए ज्याकीलाई गिफ्ट
_SalDMXpKqE_zszqkh4qkovfrdp5rzrfr53su4j92hmsihdetpzuljllsrbejfg4v1swxl5c_WPQSq9fQ4S_m2ppmqjil2vrzo2fzry4z5gxanoknphhrba0lzugidrr32buencajbtgdmtz.jpg)
सुहाउँदो भूमिका पाएकाले चलचित्रमा अभिनय गरे : राजेश हमाल

मोहनलालको ‘थुडारम’ बन्यो मलयालम चलचित्रमा धेरै कमाउने तेस्रो फिल्म

प्रतिक्रिया