नेकपाको साधारण सदस्यबाटै निकालिए ओली
माघ ११, २०७७ आइतबार १८:५५
काठमाडौँ : नेकपा (दाहाल–नेपाल) समूहले केपी शर्मा ओलीलाई पार्टीबाट निष्काशन गरेको छ । आइतबार पार्टी कार्यालय पेरिसडाँडामा बसेको स्थायी कमिटी बैठकले ओलीलाई पार्टी अनुशासन बाहिर गएर काम गरेको भन्दै निष्काशन गरेको हो ।
दाहाल–नेपाल समूहले ओलीलाई पार्टीको साधारण सदस्यसमेत नरहने गरी निष्काशन गरेको प्रवक्ता नारायणकाजी श्रेष्ठले इकागजलाई जानकारी दिए । ओलीलाई दाहाल नेपाल समूहको नेकपाले स्पष्टीकरणसमेत सोधेको थियो ।
ओलीले स्पष्टीकरणसहित जवाफ नदिएपछि कारबाही गरिएको दाहाल नेपाल समूहले कारबाही गरेको हो । प्रधानमन्त्रीसमेत रहेका ओलीले प्रतिनिधि सभा विघटन गरेपछि दाहाल नेपाल समूहले त्यसको विरोधमा आन्दोलन जारी राखेको छ । यस्तै आज बसेको स्थायी कमिटी बैठकले पार्टी केन्द्रिय कार्यालयको सचिवमा स्थाई समिति सदस्य गंगालाल तुलाधरलाई जिम्मेवारी दिने निर्णय पनि गरेको छ । प्रचण्ड नेपाल पक्षको स्थायी कमिटीको अर्काे बैठक दुई दिनपछि बस्ने भएको छ ।
राजनीतिक अस्थिरता अन्त्य गर्न शासकीय स्वरुप परिवर्तन गरौँ : श्रेष्ठ
विकास निर्माणको जिम्मा प्रदेश र स्थानीय तहलाई दिनुपर्छः अध्यक्ष राउत
शहरी विकास मन्त्रालयमा बजेट माग्नेको भिड, १५ हजार योजनामा बजेट माग
बद्री केसी नेतृत्त्वको समिति वैधानिक होः प्रधानमन्त्री ओली
लोकतन्त्रमा कुनै अराजकता स्वीकार्य हुँदैनः गृहमन्त्री लेखक
प्रतिनिधिसभा बैठक बस्दै, यस्तो छ कार्यसूची
नेपालमा रेल सेवाको विकास र विस्तारमा लगानी गर्न मन्त्री दाहालको आग्रह
प्रतिक्रिया