फ्यानले डिस्टर्ब गरेपछि पुष्प र साम्राज्ञीलाई बडीगार्ड

काठमाडौं :  आउटडोर छायांकनको क्रममा हुलमुल धेरै हुन थालेपछि चलचित्र ‘तिम्रो मेरो साथ’को युनिटले छायांकनमा बडीगार्डको व्यबस्था गरेको छ । विशेष गरेर चलचित्रका नायक पुष्प खड्का, नायिका साम्राज्ञी आर एल शाह र सन्दिप क्षेत्रीको छायांकन आउटडोर गर्नु  पर्दा दर्शकहरू माझ उनीहरूको क्रेजलाई ध्यानमा राखेर बडीगार्डको व्यबस्था गरिएको जानकारी निर्माता रमेश एम के पौडेलले दिएका छन् । 

 चलचित्र ‘ तिम्रो मेरो साथ ‘ को छायांकन ६० प्रतिशत सकिएको छ । चलचित्रको अब केही दृश्य र गीतको मात्र छायांकन हुन बाँकी रहेको छ । चलचित्रको केही दृश्य अमेरिकाका सहरहरूमा गरिने तयारी भैरहेको छ । चलचित्रमा रामजी लामिछानेले नृत्य निर्देशन गर्ने भएका छन ।

प्रेमकथामाथि आधारित यो चलचित्रका निर्देशक रमेश एम के पौडेल हुन । चलचित्र  ‘तिम्रो मेरो साथ’मा निर्देशक पौडेलकै कथा, गीत र निर्माण रहेको छ । चलचित्रमा पुष्प खड्का, साम्राज्ञी आर एल शाह, सरोज खनाल, सन्दिप क्षेत्री, खबपु , इमिली लामा र विशेष भूमिकामा ध्रुव दत्तको अभिनय रहेको छ ।      आर्यन फिल्मस तथा बोधी एचडी अमेरिकाको ब्यानरमा छायांकन भैरहेको यो चलचित्रमा सबिर श्रेष्ठको पटकथा र सम्बाद रहेको छ ।