अलाभेसमाथि रियलको शानदार जित

काठमाडौँ : ला लिगा फूटबलमा रियल मड्रिडले अलाभेसलाई हराएको छ । शनिबार राती भएको खेलमा मड्रिडले अलाभेसमाथि ४-१ गोलको प्रभावशाली जित निकालेको हो ।

रियलका लागि करिम बेन्जेमाले दुई तथा काशिमेरो र इडेन हजार्डले एक एक गोल गरे । अलाभेसका जोसेलुले सान्तवना गोल फर्काए । लामो समयपछि गोल गरेका हजार्डको फर्म फर्किएको भन्दै उनको प्रशंसा भइरहेको छ । 

जितसँगै रियल दोस्रो स्थानमा यतावत छ । १९ खेलबाट रियलले ४० अंक जोड्दा शीर्षस्थानको एथ्लेटिकोसँगको अंकदुरी घटाएको छ । एथ्लेटिकोको ४४ अंक छ । हार व्यहोरेको अलाभेस १८ अंकसहित रेलिगेसन जोनभन्दा एक स्थान माथि छ । (अन्तराष्ट्रिय सञ्चारमाध्यमको सहयोगमा)