नेपालमा कोरोना खोप माघ १४ गतेबाट लगाइने

काठमाडौं : प्रधानमन्त्री  केपी ओलीले यही माघ १४ गतेबाट कोभिड–१९ विरुद्धको खोप लगाउन सुरु गरिने बताएका छन् ।  प्रधानमन्त्री ओलीले पहिलो चरणमा खोप लगाउनेहरुको समूह तयार भइसकेको पनि बताए ।   सशस्त्र प्रहरीको २० औँ स्थापना दिवसको अबसरमा आयोजित कार्यक्रमलाई सम्बोधन गर्दै  उनले यसबारे जानकारी दिएका हुन् ।

मुलुकमा कोरोनालाई पराजित गर्ने अभियानको सुरुवात भइसकेको र नियन्त्रणको ‘टर्निङ प्वाइन्ट’ मा पुगेको प्रधानमन्त्री ओलीको भनाइ थियो । उनले पहिलो चरणमा अग्रभागमा रहेर कोभिड–१९ विरुद्ध खटिएका व्यक्तिलाई खोप लगाइने पनि बताए ।  पर्याप्त खोप नआइसकेकाले अझै केही महिना सावधानी अपनाउन ओलीले सबैलाई आग्रह गरे ।  

शान्ति, सूरक्षा, अमन चयनलगायत विपद् व्यवस्थापन र संकटका बेला सशस्त्र प्रहरीले खेलेको भूमिकाको प्रशंसा गर्दै प्रधानमन्त्री ओलीले समयानुसार परिमार्जित हुँदै अघि बढ्न सशस्त्र प्रहरीलाई आग्रह गरे ।