जंगल युद्धकला तालिम सम्पन्न गर्ने पहिलो महिला सैनिक बनिन् राधिका

काठमाडौं : राधिका थापा प्रतिविद्रोह तथा जंगल युद्धकला तालिम गर्ने पहिलो महिला सैनिक बनेकी छन् । सेनाभित्र पनि चुनौतीपूर्ण मानिने प्रतिविद्रोह तथा जंगल युद्धकला तालिम थापाले सफलतापूर्वक सम्पन्न गरेको सैनिक मुख्यालय जंगी अड्डाले विज्ञप्ती जारी गरी जानकारी दिएको छ ।   

सेनाले उक्त तालिम अहिलेसम्म कुनै पनि महिला सिपाहीले नगरेको पनि जनाएको छ । तालिम गत कात्तिक १८ गतेदेखि माघ १० गतेसम्म चलेको थियो  ।सिन्धुपाल्चोकको मेलम्भी नगरपालिका २ थापा टोलकी राधिका २०६९ असार १५ गते नेपाली सेनाको सैन्य दर्तामा भर्ना भएकी हुन् ।  थापा २०७० जेठ २४ बाट प्रतिविद्रोह तथा जंगल वारफेयर शिक्षालयमा कार्यरत थिइन्।